Россиянинг Челябинск вилояти Златоуст шаҳри усталари Чеченистон раҳбари Рамзан Қодиров портрети туширилган бир килограмм оғирликдаги кумуш тангаларни серияли равишда зарб этишни бошлади. Бу ҳақда ушбу тангаларни чиқарадиган «Оружейник» фабрикаси директори Владимир Васюхинга таяниб ТАСС хабар берди.
Унинг айтишича, Грозний шаҳри (Чеченистон пойтахти) кунига бағишланган чекланган серия шахсий коллекциялар ва музейларга тарқатилади.
Кумуш тангаларнинг ҳар бири 1000 грамм оғирликка, 14 миллиметр қалинликка ва 120 миллиметр диаметрга эга бўлади. Танганинг юза қисмига Рамзан Қодиров портрети, орқа қисмига Аҳмадҳожи Қодиров номидаги масжид тасвири туширилади.
Изоҳ (0)