АҚШ Миллий хавфсизлик агентлигининг собиқ ходими Эдвард Сноуден давлатлар томонидан жамиятни оммавий равишда кузатилиши муаммоси бўйича ўз фикрларини билдирди, деб хабар бермоқда «РИА Новости».
Журналистлар халқаро федерациясининг илтимоси билан қилган видеомурожаатида Сноуден инсон ҳуқуқлари бузилишининг янги тўлқини нафақат бунда айбланадиган давлатларда, балки демократик давлатларда ҳам кузатилаётганини, яқин ўтмишда технологик сабаблар туфайли имконсиз бўлган оммавий равишда кузатиш бугунги кунда кенг қўлланилаётганини айтиб ўтган.
Шунингдек, унинг ўзи 2013 йилда АҚШ ва Буюк Британия махсус хизматлари томонидан оммавий кузатиш олиб борилиши ҳақидаги махфий маълумотларни ошкор қилганидан кейин ҳам бу ишлар тўхтамаганини алоҳида таъкидлаган. Сноуденниг сўзларига кўра, ҳукуматлар томонидан доимий равишда кузатувларни тўхтатиш лозимлиги айтиб келинишига қарамай, бу сўзлар амалда ҳеч қандай аҳамиятга эга эмас.
Изоҳ (0)