Ўзбекистон Республикаси қонунчилигига мувофиқ республиканинг 18 ёшга тўлмаган фуқаролари учун Ўзбекистон билан виза режимига эга мамлакатлар (узоқ хориж мамлакатлари, Тожикистон, Туркманистон)га чиқиш тартиби белгиланди. Бу ҳақда «Ўзбекистон ҳаво йўллари» МАК матбуот хизмати хабар бермоқда.
Унга мувофиқ, 16 ёшга тўлмаган Ўзбекистон Республикаси фуқаролари биометрик паспортга эга бўлган ҳолда Ўзбекистон билан виза режимига эга мамлакатларга чиқиши мумкин. Бунда катта ёшли кузатувчи вояга етмаган шахснинг биометрик паспортида кўрсатилган бўлиши, рухсат этувчи ёзув ёпиштирилган бўлиши ҳамда бориладиган мамлакатга чиқиш визаси мавжуд бўлиши керак.
Доимий равишда чет мамлакатларда яшовчи 16 ёшга тўлмаган Ўзбекистон Республикаси фуқаролари биометрик паспортга эга бўлган ҳолда Ўзбекистон билан виза режимига эга мамлакатларга чиқиши мумкин. Бунда катта ёшли кузатувчи вояга етмаган шахснинг биометрик паспортида кўрсатилган бўлиши, рухсат этувчи ёзув ёпиштирилган бўлиши ҳамда бориладиган мамлакатга чиқиш визаси мавжуд бўлиши керак.
16 ёшдан 18 ёшгача бўлган Ўзбекистон Республикаси фуқаролари биометрик паспортга эга бўлган ҳолда Ўзбекистон билан виза режимига эга мамлакатларга чиқиши мумкин. Бунда рухсат этувчи ёзув ёпиштирилган бўлиши ҳамда бориладиган мамлакатга чиқиш визаси мавжуд бўлиши керак.
Доимий равишда чет мамлакатларда яшовчи 16 ёшдан 18 ёшгача бўлган Ўзбекистон Республикаси фуқаролари биометрик паспортга эга бўлган ҳолда Ўзбекистон билан виза режимига эга мамлакатларга чиқиши мумкин. Бунда рухсат этувчи ёзув ёпиштирилган бўлиши ҳамда бориладиган мамлакатга чиқиш визаси мавжуд бўлиши керак.
Эслатиб ўтамиз, аввалроқ республиканинг 18 ёшга тўлмаган фуқаролари учун МДҲ мамлакатлари (Россия, Украина, Озарбойжон, Қозоғистон, Қирғизистон)га чиқиш тартиби эълон қилинган эди.
Изоҳ (0)