БМТ Озиқ-овқат ва қишлоқ хўжалиги ташкилоти (ФАО) Ўзбекистон ҳукумати билан битим имзолади. Ҳужжат шу йилнинг бошида Тошкентда ФАО ваколатхонасини тузиш учун имзоланган бошқа битимлар давоми бўлди. Бу ҳақда ФАО расмий сайти хабар бермоқда.
ФАОнинг Ўзбекистон Республикаси учун янги дастури 2014—2017 йилларга мўлжалланган бўлиб, у ФАОга ресурс-шериклар, хусусий сектор ҳамда бошқа миллий ва халқаро ташкилотлар ҳамкорлигида Ўзбекистонга техник ёрдам бериш учун асос яратади.
Битимда кўзда тутилган асосий йўналишлар қишлоқ хўжалик экинларини диверсификациялаш, қорамоллар соғлиғини яхшилаш, чигирткага қарши курашни кучайтириш, балиқ етиштиришни кенгайтириш, табиий ресурслардан оқилона фойдаланиш ва бошқалардан иборат.
Изоҳ (0)