Бугун, 9 октябрь куни Мянма давлатининг Янгон шаҳрида 19 ёшгача бўлган ёшлар ўртасидаги Осиё чемпионатига старт берилади. Бу ҳақда UFF.uz сайти хабар берди.
Мусобақанинг нуфузи ҳақида ортиқча гапиришнинг ҳожати бўлмаса керак. Сабаби ярим финалга йўл олган тўртта жамоа келаси йили Янги Зеландия давлатида бўладиган ёшлар ўртасидаги Жаҳон чемпионатига йўлланмани қўлга киритади.
Унда Ўзбекистон терма жамоаси ҳам иштирок этмоқда. Терма жамоамиз ўз ўйинларини 10 октябрь куни Индонезияга қарши баҳс билан бошлайди. Гуруҳимизда Австралия ҳамда БАА каби кучли термалар ҳам ўрин олган. Равшан Ҳайдаров шогирдларига осон бўлмаслиги аниқ. Шундай бўлсада, биз вакилларимиздан ЖЧ-2015 йўлланмасини қўлга киритишларини кутиб қоламиз.
Қуйида 9–10 октябрь кунлари бўлиб ўтадиган ўйинлар жадвали билан танишишингиз мумкин.
9 октябрь
- A гуруҳи / 14:00 / Эрон – Тайланд
- C гуруҳи / 14:00 / Жанубий Корея – Вьетнам
- A гуруҳи / 17:00 / Мянма – Яман
- C гуруҳи / 17:00 / Япония – Хитой
10 октябрь
- B гуруҳи / 14:00 / Ўзбекистон – Индонезия
- D гуруҳи / 14:00 / Ироқ – Уммон
- B гуруҳи / 17:00 / Австралия – БАА
- D гуруҳи / 17:00 / КХДР – Қатар
Изоҳ (0)