Бутунжаҳон бокс ассоциацияси (WBA) ўзбекистонлик «доимий» жаҳон чемпиони Руслан Чагаев ва кубалик вақтинчалик чемпион Луис Ортис ўртасида ўта оғир вазнда унвон учун кураш бўйича музокараларни бошлаш мажбуриятини юклади. Бу ҳақда WBA расмий сайтига асосланиб, UzDaily хабар берди.
«Музокаралар учун ажратилган 30 кун муҳлат пайшанба куни бошланади. Томонлар берилган муддат ичида келишиб олмаса, жангни ўтказиш ҳуқуқи кимошди савдосига қўйилади», — дейилади хабарда.
Профессионал рингда 23 марта ғалаба (20 таси нокаут билан)га эришиб, 2 марта мағлуб бўлган, битта ўйинни дуранг билан тугатган Чагаев «доимий» унвонни шу йилнинг июль ойида АҚШ вакили Фрес Окендога қарши жангда ютиб олган. Ортис (22 ғалаба, 19 нокаут, 0 мағлубият) унвонга сентябрдан эгалик қилиб келмоқда.
Изоҳ (0)