Инчеондаги Осиё ўйинларининг сўнгги куни каратэ мусобақалари билан бошланди, дея хабар бермоқда Olamsport.com.
Ҳамюртимиз Барно Мирзаева чорак финалда эронлик Фотима Чалакини 4:2 ҳисобида мағлуб этди. Ярим финалда жанубий кореялик Шин Сужунг қаршилик қилди. Бу баҳсда Барно янада ишончли ғалабани қўлга киритди — 5:0. Финалда эса малайзиялик Жефри Криснанга имконият бой бериб қўйилди — 2:10.
Шу тариқа, Барно Мирзаева Ўзбекистон ҳисобига 12-кумуш медални келтирди.
Терма жамоамиз ҳисобида энди 9 та олтин, 12 та кумуш ва 20 та бронза медали мавжуд. Жами медалларимиз сони 41 тага етди. Делегациямиз айни пайтда 10-ўринда жойлашган.
Изоҳ (0)