Қозоғистоннинг Ғарбий Қозоғистон вилоятида жиноят ишлари бўйича туманлараро махсус суд Ўзбекистон фуқаросини ўлдиришда айбланаётган икки нафар жиноятчига нисбатан ҳукм чиқарди. Бу ҳақда «КазТАГ» хабар берди.
Судланувчи I.Г. Зотов 15 йил, С. Ряхов эса 16 йил муддатга жазони қатъий режимдаги ахлоқ тузатиш колониясида ўташ ва мол-мулкини мусодара қилиш шарти билан озодликдан маҳрум этилди.
Судланувчилар жабрланувчи томонга товон пули ҳам тўлайди. Бундан ташқари, ҳар иккала судланувчи ҳам қамоқхонада алкоголизмдан мажбуран даволаниши керак бўлади.
Жиноий иш ҳужжатларида кўрсатилишича, жорий йилнинг 30 май куни шаҳар бозорларидан биридаги тамаддихонада спиртли ичимлик ичиб ўтириб, судланувчилар Ўзбекистон Республикаси фуқароси Шойназаров билан танишиб қолади. Улар ўртасида келишмовчиликк юзага келиб, муштлашув бошланади. Ошналар ўзларининг янги танишини шилиб, ўлгунича дўппослайди. Шойназаровнинг жасади эртаси куни эрталаб муштлашув жойида топилади.
Изоҳ (0)