Mail.Ru компанияси «ВКонтакте»нинг қолган 48,01 фоиз акцияларини ҳам сотиб олди. UCPнинг акциялари пакети Алишер Усмоновга 1,47 миллиард долларга тушди. Бу ҳақда Dni.ru хабар бермоқда.
Олди-сотди 16 сентябрь куни якунланди, Blesmir Development Limited ва Palagon Limited акцияларга харидорлик қилди. Шу тариқа, Mail.Ru «ВКонтакте» акцияларига тўлиқ эгалик қилди, дейилади гуруҳ хабарида.
Нашрнинг таъкидлашича, ушбу олди-сотдидан кейин Mail.Ru Group’нинг депозитар тилхатлари нархи Лондон фонд биржасидаги савдоларда 6,7 фоизга — 32 долларгача ошиб кетди.
2013 йил декабрида «МегаФон» бош директори Иван Таврин «ВКонтакте»нинг 12 фоизини унинг асосчиси — Павел Дуровдан сотиб олган ва 2014 йил мартида акцияларни Mail.Ru Group компаниясига қайта сотган. Ўша пайтда Алишер Усмонов «ВКонтакте»нинг 39,99 фоизига эгалик қилаётган эди.
Изоҳ (0)