«Мобильные ТелеСистемы» (МТС) ОАЖ акцияларига Америка депозитар тилхатлари тушиб бормоқда. Нью-Йорк фонд биржаси (NYSE) маълумотлари шундан дарак бермоқда. Бунга «Система» АМКнинг асосий хўжайини Владимир Евтушенковга нисбатан айблов эълон қилингани сабаб бўлди, деб ёзади Fraza.ua.
«РИА Новости» хабарига кўра, 16 сентябрь, сешанба куни Россия тергов қўмитаси расмий вакили Владимир Маркин Евтушенковнинг пул маблағларини «ювиш»да айбланганини маълум қилган. У уй қамоғида сақланмоқда.
«Система» акциядорлик молиявий корпорацияси очиқ акциядорлик жамияти — Россия молиявий саноат гуруҳи бўлиб, у МТС мобил оператори акцияларининг назорат пакетига эгалик қилади. «Система» директорлар кенгаши раиси Владимир Евтушенков Россиянинг энг бой бизнесменлари 20 талигига киради. Маҳаллий Forbes нашри унинг давлатини 9 миллиард долларга баҳолаган.
Изоҳ (0)