7mednews.ru сайти гўзаллигига бутун дунё тан берган энг чиройли етти нафар аёл номини маълум қилди.
1985 йил актёрлар оиласида таваллуд топган британиялик актриса Кира Найтли илк бор кинода етти ёшида суратга тушган. Киранинг актрисалик маҳоратига «Кариб денгизи қароқчилари», «Қирол Артур», «Шахсий соқчи» сингари бир қатор фильмларда баҳо бериш мумкин.
Америкалик хонанда Бейонсе ҳам бутун дунё бўйича тан олинган энг гўзал аёллардан бири бўлиб, 1981 йил Техас штатида туғилган. У машҳурликка 1990 йиллар охирида эришди. Бейонсе 2001 йилда ўзини кинофильмларда ҳам синаб кўра бошлаган.
Америкалик актриса Кемерон Диас 1972 йилда таваллуд топган бўлиб, унга машҳурликни «Ниқоб» кинофильми тақдим этган. У «Аёллар сирлари», «Жўнатма», «Отамнинг уйи» сингари фильмларда роль ижро этган.
Навбатдаги энг гўзал аёл тўққиз ёшидан бери фильмларда роль ижро этадиган Скарлет Йоханссон бўлиб, у 1984 йилда таваллуд топган. Скарлетнинг актрисалик маҳоратига «Қасоскор», «Энага кундаликлари» каби фильмларда баҳо бериш мумкин.
Стэйси Кейблер сайёранинг энг гўзал аёллар рўйхатидан бир неча маротаба жой олган. У 1979 йил АҚШда туғилган. Стэйси «Чак» (Chuck) «Онангиз билан қандай танишдим» (How I met your mother) сингари жами 72 фильмда роль ижро этган.
Келиб чиқиши Жанубий Африкадан бўлган америкалик модель ва актриса Шарлиз Терон 1975 йилда туғилган. Шарлиз кино оламига 1995 йилда кириб келган бўлиб, 2 Days in the Valley, Sweet November, 15 Minutes сингари фильмларда роль ижро этган.
Гўзаллигини бутун дунё тан олган америкалик актриса Анжелина Жоли 1975 йил Лос-Анжелесда туғилган. Уч болани ўз васийлигига олган актрисанинг айни дамда олти нафар фарзанди бор. Жоли бутун дунёда нафақат гўзаллиги, балки амалга ошираётган хайрия ишлари билан ҳам машҳурдир.
Изоҳ (0)