Тошкентнинг Юнусобод тумани кўчаларида чақириқли шиорлар битилган янгича тахтачалар пайдо бўлди, дея хабар беради Pr.uz Facebook’даги Potrebitel.uz гуруҳига таяниб.
«Улар шаҳар кўчаларини ифлослантирмасликка, тозалик ва тартибга даъват этиб, маиший чиқиндилар тўпланадиган жойлардаги дарахтларга мих билан қоқиб қўйилган», — дейилади хабарда.
Ўзига хос расмли белгилар ва шиорлар билан безатилган тахтачалар ижодий нуқтаи назардан мақталган бўлса-да, бошқа жиҳатлардан нашр танқидига учради. «Наҳотки ижтимоий тармоқларда мақтовлар остида қолган ижодий фикр кучи тахтачаларни табиатга зарар етказган ҳолда дарахтларга қоқиш ўрнига бошқа усулни ўйлаб топишга етарли бўлмади?» — деб ёзади Pr.uz. Бундан ташқари, нашр шаҳарда тозаликка эришишнинг бошқа осонроқ йўли — ахлатдонлар ўрнатиш усули ҳам борлигини писанда қилиб ўтган.
Изоҳ (0)