Осиё ва Голливуд жангари фильмлари юлдузи Жеки Чан гиёҳванд моддаларни сақлаганликда айбланиб ҳибсга олинган ўғли Жейсидан дарғазаблиги, бундан шок ҳолатидалиги ва унинг учун уялиб қолганини айтди. «Бу ҳақда билгач, қаттиқ ғазабландим», — деб ёзди у ўз микроблогида.
«Жамоат арбоби сифатида уялдим, ота сифатида эса хафа бўлдим ва ҳафсалам пир бўлди. Лекин ҳаммадан ҳам Жейсининг онасига қийин бўлди», — дея кўнглини очди актёр. У ёш авлод бундай хатолардан хулоса чиқариб, наркотиклардан узоқ юришига умид билдирди.
Жеки Чан ўз ўғлига юзланиб, унинг номаъқул иш қилгани ва бунинг оқибатлари учун жавоб бериши кераклигини айтди. «Бироқ мен сенинг отангман ва доимо сен биланман. Жейси ва ўзим номимдан барчадан узр сўраб қоламан», — деди у.
Эслатиб ўтамиз, яқинда ХХР пойтахти Пекинда хитойлик машҳур актёр Жеки Чаннинг ўғли Жейси Чан гиёҳванд модда туфайли ҳибсга олинди. 32 ёшли Жейси Чан дўсти, 23 ёшли машҳур тайванлик актёр Ке Чжендун билан биргаликда қўлга олинган. Уларнинг қачон ва қандай шароитда ҳибсга олингани ҳақида маълумот берилмади.
Изоҳ (0)