«Такси» фильми юлдузи Сами Насери муштлашув туфайли полиция томонидан ҳибсга олингач, ўзини нохуш сезиб қолди. Франция ОАВлари хабарига кўра, айни пайтда актёр шифохонага ётқизилган, деб ёзади ИТАР-ТАСС.
«Актёрнинг аҳволини инобатга олиб, жиноятнинг олдини олиш чоралари сифатида уни қамаб қўйишдан воз кечишга тўғри келди», — деди полициядагилар. Шу билан бирга, Насерининг қандай ҳолатда эканлиги ва айнан нима учун касалхонага ётқизилгани ошкор қилинмаяпти.
Нашрнинг эслатишича, аввалроқ Насери собиқ севгилиси кўз олдида уруш-жанжал қилгани учун полиция томонидан ҳибсга олинган эди. Таъкидлаш жоиз, бу актёрнинг учинчи марта қўлга олинишидир.
2009 йилда Насери одамга пичоқ билан ҳужум қилгани учун 16 ойга озодликдан маҳрум этилган эди. 2011 йилда эса Канн кинофестивалидаги беадаб хатти-ҳаракатлари туфайли полицияга етказилган эди. Ўшанда актёр кафелардан бирида жамоатчилик олдида кийимларини ечиб ташлаган, шундан сўнг воқеа жойига етиб келган ҳуқуқ-тартибот ходимларига қаршилик кўрсатган эди.
Изоҳ (0)