Хитойнинг China CAMC Engineering Co Ltd компанияси «Навоийазот» ОАЖ базасида поливинилхлорид (ПВХ) ишлаб чиқариш бўйича кимё мажмуасини қуради. Бу ҳақда UzDaily хабар бермоқда.
China CAMC Engineering Cо Ltd «Навоийазот» ОАЖ билан мажмуа қурилиши ҳақида шартнома имзолагани ҳақида маълум қилган. Шартнома нархи 439,8 миллион долларга тенгдир.
Хитой компанияси келишув доирасида ишлаб чиқариш қуввати йилига 100 минг тонна ПВХ, 75 минг тонна каустик сода ва 300 минг тонна метанолга тенг мажмуани тайёр ҳолда топширади. Лойиҳани амалга ошириш муддати 36 ой.
Умумий қиймати 501,1 миллион долларга тенг лойиҳа чет эл кредитлари ва ўзбек томони маблағлари томонидан молиялаштирилади.
«Навоийазот» Ўзбекистондаги энг йирик кимёвий корхона бўлиб, 1964 йилда ишга туширилган. Завод азот ўғитлар, нитрон тола ва бошқалар ишлаб чиқаришга ихисослашган.
Изоҳ (0)