Ўзбекистонда электрон тижоратни ривожлантириш учун Ўзбекистон Республикаси Президенти топшириғига биноан, Марказий банк «Электрон тижорат тўғрисида»ги (янги нашрда) қонун лойиҳаси тайёрланди. Бу янгилик маиший техника ишлаб чиқарувчи Artel компанияси учун ривожланиш йўлида янги қадам бўлди. Artel компанияси ўзининг artelmarket.uz интернет дўконини яратди: Ўзбекистон аҳолиси компьютердан узоқлашмай харид қилиш имкониятига эга бўлди.
Artelmarket.uz интернет дўкони яратилганидан сўнг, харидорларга Artel номи остида ишлаб чиқарилаётган маиший техникаларни диванда ўтириб, қулай шароитда сотиб олиш имконияти яратилди. Artelmarket.uz сайти ёрдамида истеъмолчилар Ўзбекистонда ишлаб чиқарилаётган совутгичлар, кондиционерлар, кир ювиш машиналари, ошхона плиталари, ўрнатма техника, телевизорлар, мини печлар, мобил телефонлар, чангютгичларни сотиб олиши мумкин. Сайтда маҳсулотлар ҳақида тўлиқ маълумотларни ҳам топиш мумкин.
Интернет дўкон ҳеч қандай узилишларсиз ишламоқда. Дўкон «танла — буюртма бер — харид қил» тизими асосида ишлайди ва бу маҳсулотнинг нархига ҳеч қандай таъсир ўтказмайди. Фаол реклама қилинмаётганлигига қарамай, интернет дўкон аҳоли орасида оммабоп бўлиб, ҳар куни бир неча буюртмалар келиб тушмоқда. Шу билан бирга, сайтнинг яна бир афзаллиги шундаки, харид қилинган маҳсулотлар Тошкент шаҳри бўйлаб бепул етказиб берилади.
Сайт ўз фаолиятини шу йилнинг ёзида бошлади ва шу кунга қадар 1000 га яқин маҳсулот сотилди. Бугунги кунга келиб, Artel маҳсулотларига икки усул билан буюртма бериш мумкин: (+998 71) 150-90-99 телефон рақами орқали ёки сайт орқали.
Интернет-дўкон Ўзбекистон бозори учун савдонинг янги модели бўлгани боис баъзи харидорлар интернет савдоларга шубҳа билан қарамоқда. Artelmarket.uz сайтида харидор ўзига керакли маҳсулотга буюртма берганидан сўнг, оператор мижозга қўнғироқ қилади ва буюртма шартларини келишиб олади. Маҳсулот мижоз учун қулай вақтда керакли манзилга етказиб берилади. Харидор маҳсулотни текшириб олганидан сўнг, техника учун пул тўлайди. Интернет-харид орқали истеъмолчилар вақтлари ва асабларини тежайди, шу билан бирга бозорда тез-тез учраб турадиган фирибгарларнинг тузоғига ҳам тушмайди.
Интернет савдолар хорижда одатий ҳолга айланган. Эндиликда ўзбекистонлик харидорларда ҳам бундай имконият бор. Artelmarket.uz интернет дўкони Ўзбекистонда электрон тижоратни ривожлантиришда биринчи ва муҳим қадам бўлди.
Изоҳ (0)