Тоp Gear Россия бозоридаги муваффақиятсиз автомобилларни номма-ном санаб ўтди. Chevrolet Malibu ҳам «шоу-румларда ярқираб турадиган, бироқ харидорларни ўзига жалб эта олмайдиган» машиналар рўйхатига киритилди.
«Chevrolet Malibu формуласи бўйича Россияда Malibu’дан аввал Chevrolet Epica яхшигина яшаган эди, — деб ёзади нашр. — 2012 йилда тақдим этилган янги седан эса анча кўркамроқ ва жиҳозларга бойроқ бўлиб чиқди».
Бироқ нашр автомобилнинг ҳаддан ташқари қиммат туришини қоралаб, Российда унинг Toyota Camry, ВW Passat ва Nissan Теаnа’дан ҳам баланд нархда юриши ҳайратланарли эканини таъкидлади.
«Йўлларда Malibu’нинг деярли учрамаслиги сабаби тушунарли», — дейилади мақолада.
Тоp Gear фикрича Россияда харидоргир бўла олмаган автомобиллар ичида Renault Laguna Coupe, Ssangyong Stavis, Fiat Freemont, Mitsubishi i-МIEV, Mini Clubvan, Alfa Romeo 4C ҳам бор.
Изоҳ (0)