Россиянинг Байкал кўли бўйидаги Иркутск шаҳрида «Оила даврасида» номли халқаро театр ва кино фестивали 2 август, шанба куни очилди. Бу ҳақда «РИА Новости» ахборот агентлигига таяниб, «Кун» хабар бермоқда.
Кинофестивалнинг асосий танловидан Россия, Украина, АҚШ, Хитой, Сербия, Қозоғистон, Ўзбекистон, Голландия ва Сингапурда суратга олинган фильмлар ўрин олган. Киноанжуманни россиялик режиссёр Глеб Орловнинг «Поддубний» фильми очиб берган.
Танловда Ўзбекистон номидан Рашид Маликов ўзининг «Тоға» фильми билан иштирок этади. Совет даврининг сўнгги йилларидаги Ўзбекистон халқи ҳаётини ҳикоя қилувчи ушбу фильм премьераси 2014 йил апрелида бўлиб ўтганди.
Фильмда ролларни Бобур Йўлдошев, Борис Ғофуров, Нигора Каримбоева, Аббос Нигманов, Феруза Собитова, Али Чориев, Раъно Шодиева ва бошқалар ижро этган.
Маълумот учун, «Оила даврасида» кинофестивали 2006 йилдан бери ташкил этиб келинаётган бўлиб, унга турли шаҳарлар мезбонлик қилади. Хусусан, 2006 йил Калуга, 2007 йил Москва, 2008 йил эса Новосибирск фестивални қабул қилган. Кейинги беш йил давомида Екатеринбургда ўтказилган фестивал 2014 йилда Иркутскка кўчди.
Изоҳ (0)