Хитой, АҚШ ва Япония геофизик олимлари Ой ядроси суюқ қатлам билам ўралганлигини кўрсатиб беришди. Муаллифлар компьютер орқали моделлаштириш натижасида бундай хулосага келди. Тадқиқот Nature Geoscience журналида эълон қилинди.
Ой ядроси ва пастки мантияси орасида ёпишқоқ муҳит мавжуд бўлиб, у ядрони нотекис ёпиб туради. Ана шу муҳит суюқ қатламдир. У туфайли зилзила тўлқинлари сўнади.
Юпқа суюқ қаватнинг пайдо бўлишига, олимлар фикрича, Ой қаъридаги ишқаланиш сабаб бўлган, у эса ўз навбатида Ердаги гравитация таъсирида содир бўлади. Моделлаштириш натижасида Ой ядроси Ерга нисбатан айланиб, ҳаракатда бўлиб туриши аниқланди. Суюқ қатлам эса унинг силлиқ ҳаракатланишини таъминлайди.
Олимлар энди ушбу назарияни текшириб кўриши керак бўлади. Бироқ у тасдиқланган тақдирда ҳам, суюқ қатлам 4,5 миллиард йил аввал Ер-Ой тизими шаклланганидан буён қотиб кетмагани ҳақидаги савол очиқ бўлиб қолади.
Изоҳ (0)