Америкалик талаба Жесси Грейнжер университетдаги ўқишига пул тўлаш мақсадида АҚШ президенти Барак Обамадан келган мактубни сотувга қўйди. Бу ҳақда New York Post хабар берди.
2011 йилда Грейнжер Обамага хат ёзиб, ўзининг камбағал оилада асранди бола сифатида вояга етгани, бироқ шунга қарамай ўқишга эҳтиёжи баландлиги ҳақида сўзлаб берган. «Университетга қабул қилиндим, аммо 10 минг долларлик тўловни қаердан топишни билмаяпман», — деб ёзган эди у. Грейнжер АҚШ президентидан ўз орзусини рўёбга чиқариш учун ёрдам беришини сўраган. Обама эса тўғридан-тўғри жавоб беришдан қочиб, йигитчага мурожаати учун миннатдорлик билдирган.
«Руҳлантирувчи ҳикоянг учун раҳмат. Бугунги кунда сенга берадиган энг яхши маслаҳатим — бу таълимни охирига етказиш. Мен сен билан фахрланаман. Доимо мана шундай ғайратли бўлиб қол!» — дея жавоб ёзган Обама.
Энди, жавоб хати олганидан уч йил ўтиб, талаба мактубни 9,5 минг долларга сотмоқчи.
Изоҳ (0)