Украина президенти Пётр Порошенко Нидерландия ва Австралия ташқи ишлар вазирлари билан Донецк яқинида ҳалокатга учраган Малайзия «Боинг»ини тадқиқ этиш жараёнини муҳокама қилди. Томонлар тергов ишлари максимал даражада шаффоф ҳолатда олиб борилиши зарурлигини айтди, дея хабар берди Euronews.
Аввалроқ жанглар туфайли халқаро экспертлар делегацияси самолёт қулаган жойга икки марта бора олмагани хабар берилган эди.
Эслатиб ўтамиз, БМТнинг инсон ҳуқуқлари бўйича Олий комиссари Нави Пиллэй Украина осмонида Малайзия авиалинияси самолётини уриб туширган ўқ зарбаси ҳарбий жиноят деб баҳоланиши мумкинлигини айтган эди.
Украина қуролли кучлари «Боинг» қулаган ҳудуд яқинида фаол ҳарбий ҳаракатлар олиб бораётгани хабар берилмоқда. Яқин атрофдаги истиқоматчилар ўз уйларини тарк этмоқда. Халқаро экпертлар эса ҳалокат жойига икки кундан буён етиб бора олмаяпти. Отишмалар олиб борилаётгани, артиллерия снарядлари портлаётгани туфайли улар йўлдан тўхтаган.
Изоҳ (0)