Xitoy, AQSh va Yaponiya geofizik olimlari Oy yadrosi suyuq qatlam bilam o‘ralganligini ko‘rsatib berishdi. Mualliflar kompyuter orqali modellashtirish natijasida bunday xulosaga keldi. Tadqiqot Nature Geoscience jurnalida e’lon qilindi.
Oy yadrosi va pastki mantiyasi orasida yopishqoq muhit mavjud bo‘lib, u yadroni notekis yopib turadi. Ana shu muhit suyuq qatlamdir. U tufayli zilzila to‘lqinlari so‘nadi.
Yupqa suyuq qavatning paydo bo‘lishiga, olimlar fikricha, Oy qa’ridagi ishqalanish sabab bo‘lgan, u esa o‘z navbatida Yerdagi gravitatsiya ta’sirida sodir bo‘ladi. Modellashtirish natijasida Oy yadrosi Yerga nisbatan aylanib, harakatda bo‘lib turishi aniqlandi. Suyuq qatlam esa uning silliq harakatlanishini ta’minlaydi.
Olimlar endi ushbu nazariyani tekshirib ko‘rishi kerak bo‘ladi. Biroq u tasdiqlangan taqdirda ham, suyuq qatlam 4,5 milliard yil avval Yer-Oy tizimi shakllanganidan buyon qotib ketmagani haqidagi savol ochiq bo‘lib qoladi.
Izoh (0)