Ўзбекистон халқ шоири Иқбол Мирзо ўзбекистонлик ФИФА рефериси Равшан Эрматовга бағишлаб шеър ёзди. Шеър матни «Халқ сўзи» газетасининг 29 июль, сешанба сонида эълон қилинди. Бу ҳақда «Кун» хабар берди.
Тўрт банддан иборат қасидада шоир ўзбекистонликларнинг Қаффол Шоший, Замахшарий каби аждодлари ҳам жаҳонда ҳакамлик, устозлик қилгани, ҳозирги кунда эса «футбол қиролиман» деган юлдузлар Эрматовнинг «битта ҳуштагига қараб тургани» ҳақида сўз боради.
Шеърнинг тўртинчи бандида келган «Ота» сўзининг барча ҳарфлари катта ҳарфлар билан ёзилган. Шеърнинг тўлиқ кўриниши билан қуйида танишиш мумкин:
Тартиб ва қоида шартдир ҳар ишда,Ким ғирромлик қилар, кимдир шошилар.Дунёнинг ярмини айлаб сариштаҲакамлик қилганлар Қаффол Шошийлар.
Ўзига қаратиб олам элини,Ҳукмини ўтказиб, жойи-жойида,Арабга ўргатган араб тилиниЗамахшарий бобо тузган қоида!
Теран томирларга туташ илдизлар,Номинг элда достон бўлиб юрибди.Футбол қиролиман, деган юлдузларБитта ҳуштагингга қараб турибди.
Истиқлол фарзанди тушса майдонга,ОТА ўғиллиги билиниб тургай.Ҳалоллик бонгини уриб жаҳонга,Адолат ҳуштаги чалиниб тургай!
Иқбол МИРЗО,Ўзбекистон халқ шоири.
Изоҳ (0)