Туркманистон раҳбари Гурбангули Бердимуҳамедов 25 июль, жума кунги ҳукумат мажлисида Рамазон ойи муносабати билан 1095 нафар жазога ҳукм этилган Туркманистон фуқаролари, шунингдек мамлакатда судланган тўққиз нафар хориж фуқароларини афв этиш тўғрисидаги фармонларни имзолади. Бу ҳақда «Новый век» хабар берди.
Туркманистон телевидениеси маълум қилишича, давлат раҳбари мамлакат миллий хавфсизлик вазирига барча афв этилган шахсларни турмадан озод қилиш ва улар Рамазон ҳайитигача уйларига етиб боришини таъминлашни буюрди.
Рўза ойи муносабати билан афв этиш Туркманистонда 1999 йилдан буён олиб борилади. Ўша йили ўлим жазоси ҳам бекор қилинган. Айни пайтда бундай акциялар мамлакатда давлат байрамлари муносабати билан йилига 3—4 марта амалга оширилади.
Изоҳ (0)