Украина осмонида Малайзия авиалинияси самолётини уриб туширган ўқ зарбаси ҳарбий жиноят деб баҳоланиши мумкин. Бу ҳақда 28 июль, душанба куни БМТнинг инсон ҳуқуқлари бўйича Олий комиссари Нави Пиллэй баёнот берди, деб ёзади Euronews.
Шунингдек, олий комиссар тезкор, мустақил, холис ва самарали тергов олиб бориш кераклигини айтди.
Украина қуролли кучлари «Боинг» қулаган ҳудуд яқинида фаол ҳарбий ҳаракатлар олиб бораётгани хабар берилмоқда. Яқин атрофдаги истиқоматчилар ўз уйларини тарк этмоқда. Халқаро экпертлар эса ҳалокат жойига икки кундан буён етиб бора олмаяпти. Отишмалар олиб борилаётгани, артиллерия снарядлари портлаётгани туфайли улар йўлдан тўхтаган.
Украин қўшинлари «Боинг» қулаган туманни ўраб олган. Улар стратегик муҳим Саур-Могила тепалигини эгаллаб олди, шунингдек, Шахтёрск ва Торез шаҳарларига кирди.
Изоҳ (0)