Фаластиннинг ҲАМАС ташкилоти Исроил билан ярашишдан бош тортди. Бу ҳақда 23 июль куни Agence France-Presse хабар берди. Ҳаракат етакчиси Халед Машаалнинг айтишича, ўт очишни тўхтатиш ҳақидаги келишув Ғазо қамали бекор қилинганидан кейингина тузилиши мумкин.
«Ташкилот тажовузкорликни тўхтатишга қаратилган халқаро ҳаракатларни маъқуллайди ва турли мамлакатлар, жумладан Мисрнинг аралашувига қаршилик қилмайди», — деди у. Машаал шу билан бирга, қамални бекор қилиш ҳақидаги пункт бўлмаган ҳар қандай ташаббусни ҲАМАС рад қилишини таъкидлади.
22 июль куни араб давлатлари лигаси раҳбари Набил ал-Арабий ҲАМАСни Мисрнинг Ғазо ва Исроилда жанговар ҳаракатларни тўхтатиш ҳақидаги таклифини қабул қилишга чақирган эди.
7 июлдан Исроил Фаластиннинг ҲАМАС радикал гуруҳи назорати остидаги Ғазо секторидан Исроил шаҳарларининг ракета ўқларига тутилишини тўхтатиш мақсадида «Мудофаа чизиғи» операциясини олиб бормоқда. 20 июлда Исроил армияси ҳарбий операциянинг қуруқликдаги босқичини кенгайтирди.
Урушлар чоғида 600 дан ортиқ фаластинликлар, жумладан тинч аҳоли вакиллари ҳалок бўлди. Исроил мудофаа армиясининг эса 27 нафар ҳарбийси қурбон бўлгани хабар қилинди.
Изоҳ (0)