Uz-Shindong Силиcон Ўзбекистон-Корея қўшма корхонаси «Ангрен» махсус индустриал зонасида техник кремний ишлаб чиқариш бўйича янги заводни ишга туширди. Бу ҳақда Давлат рақобат қўмитасига таяниб, Gazeta.uz хабар берди.
Заводнинг лойиҳавий қуввати йилига 6 минг тонна техник кремнийдан иборат. Хомашё Жиззах вилоятидаги кварц конларидан келтирилади. Дастлаб, завод қурилиши 2013 йил кузига белгиланган эди, кейинроқ муддат бир неча марта ортга сурилди.
Ўзбекистон Давлат геология ва минерал манбалар қўмитаси, Кореянинг Shindong Enercom Inc. компанияси, «Ўзметкомбинат» ОАЖ ва Solartech (Shindong’нинг шўба корхонаси) тенг ҳуқуқли асосда Uz-Shindong таъсисчилари ҳисобланади. 10 миллион долларга тенг лойиҳа таъсисчиларнинг тўғридан-тўғри инвестициялари ҳисобидан молиялаштирилади.
2012 йил августида Uz-Kor Silicon ўзбек-корейс қўшма корхонаси Навоий вилоятида техник кремний ишлаб чиқарувчи заводни очган эди. У Ўзбекистондаги бундай заводларнинг биринчиси бўлди.
Изоҳ (0)