Facebook ижтимоий тармоғидаги «Водители Ташкента» («Тошкент ҳайдовчилари») гуруҳи фойдаланувчиси Тошкентдаги трамвай релслари ва баланд тўсиқларга олиб борувчи пиёдалар ўтиш жойлари акс этган суратларни жойлади.
«Қандай мантиқ асосида ‘зебраъларни бундай жойларга ўрнатиш мумкин? — дея қайд этди фойдаланувчи. — Тўғри, пиёдалар йўлакчаси светофор ёнида бўлиши керак, лекин у бетон тўсиқ ва трамвай изларига олиб бормаслиги керак».
Постга ёзилган изоҳларда гуруҳнинг бошқа аъзолари ҳам бундай ҳолатларга кўп дуч келишини ёзиб, исбот сифатида кўплаб расмлар илова қилган. Улардан бири бундай суратларни ҳоким номига шикоят сифатида юбориш кераклигини ёзган. Яна бир фойдаланувчи My.gov.uz ягона интерактив давлат хизматлари порталига шикоят қилишни таклиф этган.
Гуруҳ аъзоларидан бири бундай хатоликлар албатта тўғриланиши зарурлигини, бошқаси эса бундай йўлаклар болали пиёдалар ва аравада ҳаракатланувчилар учун катта ноқулайликлар келтириб чиқаришини қайд этган.
Изоҳ (0)