Ўзбекистон Республикаси Вазирлар Маҳкамасининг 2014 йил 11 июлдаги қарори билан 2014—2015 йилларда Қорақалпоғистон Республикаси, Бухоро, Жиззах, Қашқадарё, Наманган, самарқанд, сурхондарё ва Хоразм вилоятларида зарар кўриб ишлаётган ва иқтисодий ночор сув таъминоти корхоналарини молиявий соғломлаштириш бўйича «йўл хариталари» дастури тасдиқланди. Бу ҳақда Norma.uz хабар берди.
Унга кўра, корхоналарнинг зарарлилик даражаси истеъмолчиларни қамраб олиш, сув ўлчаш ускуналарини ўрнатиш, шунингдек қишлоқ аҳоли пунктларида сув қувурлари орқали етказиб бериладиган сув ҳисобини юритиш эвазига камайтирилади.
Шунингдек, ушбу давр мобайнида янги сув-канализацияси тармоқлари ва объектлари қурилади, мавжудлари эса таъмирланади. Бундан ташқари, фойдаланиш муддатини ўтаб бўлган насос ва электротехник қурилмалар замонавий, энергияни тежовчи ускуналар билан алмаштирилади. эскирган машина ва механизмлар ҳам эксплуатациядан чиқарилади. Қарорда 2016 йилгача сув таъминоти корхоналарининг дебиторлик қарзларини камайтириш кўзда тутилган.
Ҳукумат қарорида совуқ сув ҳисоби бўйича ўлчагичларга техник хизмат кўрсатиш, жумладан уларни ўрнатиш, таъмирлаш, текшириш ишлари истеъмолчилар маблағлари ҳисобидан ягона ўрнатилган нархда молия ташкилотлари билан келишилган ҳолда амалга оширилиши назарда тутилган.
Дастур ижросига «Ўзкоммунхизмат» агентлиги, Қорақалпоғистон Республикаси Вазирлар Кенгаши, вилоят ҳокимликлари ва сув таъминот корхоналари масъул этиб белгиланди.
Изоҳ (0)