Эроннинг бойитилган уран захиралари йўқ қилингани ҳақида хабар берилди

Атом энергияси бўйича халқаро агентлик (МАГАТЕ)нинг та ’кидлашича, Эрон ўтган йили ноябрь ойида Женева шаҳрида дунёнинг олти кучли мамлакатлари вакиллари билан келишганидек, ураннинг юқори даражада бойитилган захираларини йўқ қилди. Бу ҳақда Segodnya.ua маълум қилди.

МАГАТЕ маърузасида Эроннинг ўтган ҳафта амал қилиш муддати 20 июлдан ноябргача чўзилган битим шартларини бажаргани қайд этилди.

Битим талабларига кўра, Теҳрон уранни 20 фоизгача бойитиш жараёнини тўхтатиши ва амалдаги юқори даражада бойитилган уранни ўзгартириши лозим эди.

Аввалроқ Эрон, Хитой, Россия, Германия, Буюк Британия, Франция ва АҚШ вакиллари Венада Эрон ядро дастури бўйича бир неча бор музокаралар олиб борган. Бироқ 20 июлга қадар «олтилик» Эрон билан кенг қамровли якуний битимнинг шартларини белгилашда ўзаро келишолмаган.

Ғарб давлатлари Эронни ядро қуроли яратиши мумкинлигини гумон қилмоқда. Теҳрон эса унинг ядровий дастурлари тинчлик мақсадларида амалга оширилаётганини таъкидламоқда.