2014 йил охири — 2015 йил бошида МДҲ давлатлари халқаро алоқа хизматлари, жумладан роуминг хизмати кўрсатишда операторлараро ўзаро ҳисоб-китобларни амалга ошириш тамойиллари ҳақида битим имзоламоқчи. Бу ҳақда Қозоғистон алоқа ва ахборот давлат агентлиги раҳбари Аскар Жумагалиев Остонада бўлиб ўтган Минтақа ҳамдўстлигининг алоқа маъмуриятлари раҳбарларининг 49-кенгашида айтган нутқига таяниб, Interfax хабар берди.
Аскар Жумагалиевнинг айтишича, ушбу битимни амалга ошириш орқали МДҲ давлатларида роумингдаги суҳбатлар нархини пасайтириш мумкин. «Биз ҳамкасблар билан ушбу битимни шу йил охири ёки келаси йил бошида имзолашга келишдик», — деди у.
Алоқа соҳасидаги минтақавий ҳамдўстлик электр ва почта алоқаси ҳамда ахборотлаштириш соҳаларида мувофиқлаштирувчилик вазифасини бажарувчи халқаро ташкилотдир. У Озарбойжон, Арманистон, Қозоғистон, Қирғизистон, Россия, Тожикистон, Туркманистон, Ўзбекистон каби МДҲнинг 12 давлатини бирлаштиради.
Изоҳ (0)