Ўзбекистон ахборот-кутубхона муассасаларининг 11 нафар мутахассислари Корея Республикасида ўз касбий малакасини оширмоқда. Улар Кореядаги Кёнхи университети Марказий кутубхонасида 2014 йил 2 июлгача ўқитилади. Бу ҳақда Алишер Навоий номидаги Ўзбекистон миллий кутубхонаси матбуот хизмати хабар берди.
Кутубхонадаги фойдаланувчилар учун яратилган шароитлар, қулайликлар ва имкониятлар, мултимедиали нашрлар фонди, улардан фойдаланиш учун тақдим этилган махсус қурилмалар уларда катта таассурот қолдирди.
Ташриф Кореядаги энг ёш шаҳарлардан бири Сежонг шаҳридаги янги барпо этилган 2013 йил 13 декабрда фойдаланишга топширилган Сежонг Миллий кутубхонасида давом эттирилди.
Кутубхона биноси кутубхоналар ичида дунё бўйича энг чиройли бинолардан бири ҳисобланади. Миллий кутубхонада имконияти чекланган фойдаланувчиларга ҳам барча қулайликлар яратилган.
Замонавий мобил токчалари алоҳида китобхонлар гуруҳига мослаб ташкил этилган. Кутубхонага ҳар куни 2000 дан ортиқ фойдаланувчининг келишига имконият яратилган. Кутубхонада қуёш энергиясидан фойдаланиш туфайли 30% электр энергияси тежалмоқда.
Изоҳ (0)