КХДР Қуролли кучлари юқори жанговар шайлик ҳолатида турибди. Бу ҳақда «Нодон Синмун» марказий партия газетасида чоп қилинган мақолага асосланиб, «ИТАР-ТАСС» хабар берди.
Унда айтилишича, АҚШ «1950—1953 йиллардаги Корея урушини келтириб чиқариб, корейс халқига беҳисоб азоб ва мусибатлар олиб келган».
«Ушбу уч йиллик қуролли низода америкалик империалистлар амалга оширган жиноятларни ҳеч ҳам оқлаб бўлмайди», — дейилади мақолада. Газетанинг таъкидлашича, шундай бўлса-да, АҚШ «урушдаги мағлубиятидан тўғри хулоса чиқара олмади ва КХДРга қарши душманларча муносабатда бўлишда давом этмоқда».
25 июнь куни КХДРдаги барча ҳудудларда Корея уруши хотирасига оммавий намойишлар бўлиб ўтди. Унда нутқ сўзлаганлар Ким Ир Сенни эслаб, АҚШ ва унинг иттифоқдошларига қарши курашдаги хизматларини тилга олишди.
Изоҳ (0)