KXDR Qurolli kuchlari yuqori jangovar shaylik holatida turibdi. Bu haqda “Nodon Sinmun” markaziy partiya gazetasida chop qilingan maqolaga asoslanib, “ITAR-TASS” xabar berdi.
Unda aytilishicha, AQSh “1950—1953-yillardagi Koreya urushini keltirib chiqarib, koreys xalqiga behisob azob va musibatlar olib kelgan”.
“Ushbu uch yillik qurolli nizoda amerikalik imperialistlar amalga oshirgan jinoyatlarni hech ham oqlab bo‘lmaydi”, — deyiladi maqolada. Gazetaning ta’kidlashicha, shunday bo‘lsa-da, AQSh “urushdagi mag‘lubiyatidan to‘g‘ri xulosa chiqara olmadi va KXDRga qarshi dushmanlarcha munosabatda bo‘lishda davom etmoqda”.
25-iyun kuni KXDRdagi barcha hududlarda Koreya urushi xotirasiga ommaviy namoyishlar bo‘lib o‘tdi. Unda nutq so‘zlaganlar Kim Ir Senni eslab, AQSh va uning ittifoqdoshlariga qarshi kurashdagi xizmatlarini tilga olishdi.
Izoh (0)