Афғонистонда халқаро аксилтеррор коалицияга аъзо мамлакатлар қўшинларни чиқариб олишга бироз шошди. Бундай фикрни Россиянинг Афғонистондаги элчиси Андрей Аветисян журналистлар билан интервьюда Афғонистон террорчиларга қаршу мустақил кураша оладими, йўқми, деган саволга жавобан билдирди. Бу ҳақда «ИТАР-ТАСС» хабар берди.
«Айни пайтда Афғонистон миллий хавфсизлик кучлари яхши натижа кўрсатмоқда. Бироқ бу Халқаро хавфсизликка кўмак кучлари шарофати билан бўлмоқда, — деди дипломат. — Улар кетганидан сўнг мамлакатда 350 минг кишилик армия ва полиция қолади. Бироқ афғон ҳукумати бундай улкан миллий хавфсизлик кучларини таъминлай олмайди».
Бундан ташқари, Аветисян афғон армиясида авиация ва оғир қуролларнинг йўқлигини ҳам таъкидлади.
Изоҳ (0)