АҚШ президентининг рафиқаси Мишель Обама Harper’s Bazaar журнали версияси бўйича мамлакатнинг энг дид билан кийинадиган аёллари рейтингида биринчи ўринни эгаллади.
Топ-листга 11 нафар актриса, қўшиқчи ва моделлар киритилди. Улар орасида Мадонна энг сўнгги поғонада жойлашди.
Рейтинг ўнта пунктдан иборат бўлса-да, унга 11 аёл кирди. Гап шундаки, иккинчи ўринни эгизак опа-сингиллар Мери-Кейт ва Эшли Олсен бўлиб олишди.
Рўйхат тузишда ҳеч қандай методологийдан фойдаланилмади. Бунда журнал таҳририятининг шахсий фикрлари мезон қилиб олинди. Бироқ муаллифлар ушбу аёллар айнан қандай сабабларга кўра рейтингга киритилганига изоҳ бериб ўтишди.
Масалан, уларнинг фикрича, Мишель Обама халққа яқин, содда ва оммабоп кийим маркаларига мухлислик қилади. Улар АҚШнинг биринчи хонимига ярашиб туради.
Мадонна эса тантанали маросимларда ўз либослари билан ҳайратлантира олиш қобилияти учун рўйхатдан ўрин олди.
Тўлиқ рўйхат эса қуйидагича:
- Мишель Обама
- Мери-Кейт ва Эшли Олсен
- Кейт Босуорт
- Эмма Стоун
- Дри Хемингуэй
- Сара Жессика Паркер
- Гвинет Пелтроу
- Эрин Уоссон
- Соланж Ноулз
- Мадонна
Изоҳ (0)