Ҳиндистон уранни бойитиш бўйича махфий дастурини кенгайтирмоқда, у термоядро қуроли ишлаб чиқаришга олиб келиши мумкин. Бу ҳақда IHS Janes ҳарбий тадқиқотлар марказига таяниб, «РИА Новости» хабар берди.
Марказнинг айтишича, Ҳиндистон жанубидаги ноёб металлар заводига янги қурилма ўрнатилган. У ядро сувости кемаларига зарур бўлган миқдордан кўпроқ бўлган қурол-аслаҳа урани ишлаб чиқариш имконини беради. «Бунинг шарофати билан мамлакат Хитой ва Покистон билан қуролланиш пойгасида анча фаол иштирок этиши мумкин бўлади», — деди марказдагилар.
Майсур шаҳри яқинида жойлашган завод 2015 йилда ишга тушиши керак.
Таъкидланишича, Ҳиндистон конларидаги ураннинг сифати паст бўлгани учун, мамлакат хомашёни жаҳон бозоридан сотиб олишига тўғри келади.
Изоҳ (0)