АҚШнинг Монтана штати Уайтхолл шаҳри аҳолисини крандан оққан сувда пайдо бўлган олтин парчалари қўрқитди ва уларнинг ғазабланишига сабаб бўлди. Бу ҳақда Metro хабар берди. «Олтин сув» келган уйлар эгалари яқин орада жойлашган конни сувни ифлослашда айблади ва шаҳар сув таъминоти фильтрлари таъмирталаб бўлиб қолган, деган хулосага келди.
Шаҳар фуқароларидан бири Марк Браун сўзларига кўра, рафиқаси идиш-товоқ юваётган пайтида сувдан ялтироқ заррачалар оқиб тушган. Браун сувда соғлиқ учун янада зарарли бошқа аралашмалар бўлиши мумкин, деб ҳисоблайди.
«Олтиндан жабрланган» бошқа фуқаролар ҳам худди шундай фикрда. Улар маҳаллий ҳукуматга расмий шикоят билан мурожаат қилганми, йўқми номаълум.
Ўз навбатида сувни ифлослашда айбланаётган кон раҳбарияти жавобгарликни бўйнига олмади ва олтиннинг «яқин орадаги бошқа бирорта қувурдан» пайдо бўлганини тахмин қилди.
Олтин инсон соғлиғи учун зарарли металл ҳисобланмаса-да, ютиб юборилган қаттиқ бўлаклар ички органларга зиён етказиши мумкин.
Изоҳ (0)