Ҳиндистонда муҳандислик коллежининг 24 нафар талабасини Беас дарёсида тўлқин босиб, дарёга оқизиб кетди. Бу ҳақда The Times of India хабар берди.
Талабалар Манали шаҳрига экскурсия уюштириш учун отланган. Йўлда улар қирғоқ бўйида расмга тушмоқчи бўлганларида, бошларига тўлқин ёпирилган.
Тўлқин дамбадан сув чиқарилиши натижасида ҳосил бўлган. Маҳаллий ҳукумат бу ҳақда ҳеч қандай огоҳлантириш бермаган. Қутқарув операциясига рафтерлар, ғаввослар, полиция ва маҳаллий аҳоли ҳам жалб этилди. Полиция фикрича, дарёдаги муздай сувдан бирон ким тирик чиқиши амри маҳол. Бироқ 18 нафар йигит ва олти қизни қидирув ишлари давом этмоқда.
Изоҳ (0)