Бугун,

  • USD 11095.31
  • RUB 173.84
  • EUR 10772.44

Америка махсус хизмати собиқ ходими Эдвард Сноуден бунинг аксини таъкидлашига қарамай, ўз раҳбариятига разведка маълумотларини йиғиш қоидалари бузилаётгани устидан шикоят қилмагани маълум бўлди. Бундай хулоса Сноуден томонидан идоранинг ҳуқуқий бўлимига юборилган ягона мактуб матнидан келиб чиқди. Бу ҳақда Associated Press хабар берди.

Фото: cnn.com

Фото: cnn.com

28 май куни Американинг NBC телеканалига берган интервьюсида Сноуден идора раҳбариятини Миллий хавфсизлик агентлиги ўз ваколатидан фойдаланишида жиддий муаммолар борлиги ҳақида огоҳлантирганини маълум қилди.

Эртаси куни АҚШ МХА Сноуденнинг мактубини эълон қилди, унда агент ўқув материалларидаги баъзи техник нюансларга ойдинлик киритишни сўраган.

Ошкор қилинган хат 2013 йил 8 апрелга тегишли бўлиб, у агент томонидан қандайдир хавотир билдирилган ягона мурожаатдир. Бундан ташқари, агентликдагилар идора ходимларидан ҳеч бирига Сноуден бу ҳақда оғиз очмаганини маълум қилишган.

Эдвард Сноуден билан боғлиқ можаро 2013 йил июнида келиб чиққан эди. Ўшанда у АҚШ махсус хизматлари интернет ва мобил алоқа орқали бутун дунёдаги фойдаланувчиларни кузатиб боргани ҳақидаги махфий ахборотларни фош этган эди.

Изоҳ
Асосий янгиликлар
Маҳаллий
Туркманистон Ўзбекистонга текинга газ етказиб беради 
Маҳаллий
Тошкентда кўприк устидаги “Газел” ёниб кетди (видео)
Бизнес
Россиядан Осиёга кўмир экспорти нархи ошгани маълум қилинди