АҚШнинг Калифорния штати Фресно шаҳрида яшовчи аёл икки ойдан ошиқ вақт давомида комада ётган бўлишига қарамай, фарзандини эсон-омон дунёга келтирди. Бу ҳақда Medportal.ru хабар берди.
39 ёшли Мелисса Карлтонда ҳомиладор бўлганидан кейин бош оғриқлари бошланди. Шифокорлар унинг миясида безарар ўсма борлигини аниқлашди. Ҳомиласи 7 ойлик бўлганида, ўсмани олиб ташлаш бўйича амалиётни бошидан кечиришига тўғри келди. Шундан кейин у комага тушиб қолди.
Шифокорлар Мелиссанинг ҳомиласини тўлиқ муддатгача сақлаб қолишга муваффақ бўлишди. 22 май куни эса кесарча кесиш йўли билан унинг ўғли дунёга келди.
Шифокорларнинг айтишича, туғишдан сўнг, Мелисса аввалгидан кўра кўпроқ фаоллик кўрсатмоқда, бу унинг аҳволи яхшиланишига умид бермоқда.
Изоҳ (0)