Якшанба куни Samsung компанияси раҳбари тўсатдан комадан уйғонди. Ўша пайтда унинг оиласи Ли Кун Хи ётган палатада бейсбол матчини шовқин-сурон билан томоша қилаётган эди. Бу ҳақда Mail.ru хабар берди.
Айни пайтда шифокорлар Ли Кун Хи соғлиғи яхши эканини, юрак, ўпкалар ва бошқа органлар ме’ёрида ишлаётганини маълум қилмоқда.
Нашрнинг таъкидлашича, концерн раҳбари комага тушиб қолгач, Samsung акциялари бирдан 4 фоиздан зиёдроққа ошган. Бу сўнгги 9 ой ичида компания қимматбаҳо қоғозлари нархларининг кундуз кунги энг катта ўсишидир. Унинг соғлиғи яхшилангани ҳақидаги хабардан сўнг эса акциялар 0,9 фоизга арзонлашган.
Гап шундаки, инвесторлар концерн устидан назорат Ли Кун Хининг ўғли — 45 ёшли Ли Че Ён қўлига ўтишига умид қилишган. У айни пайтда Samsung бошқарув раиси ҳисобланади. Инвесторларнинг фикрича, раҳбарият ўзгариши билан акциядорларга тўлов тизими ҳам қайта кўриб чиқилиши керак эди. Ли Кун Хи соғайганидан сўнг бунинг амалга ошиши амри маҳол.
11 май куни Samsung Electronics компанияси раиси Ли Кун Хи нафас олиш тизимидаги муаммо сабаб шошилинч равишда шифохонага ётқизилган, сўнг комага тушиб қолган эди.
Изоҳ (0)