Тошкент шаҳар, Олмазор тумани, “Чинобод” МФЙ, Сағбон 30-берк кўчасида жойлашган 5-уйдаги хонадонларнинг бирида 31 октябрь куни соат 02:13 да ёнғин содир бўлди. Бу ҳақда ФВВ матбуот хизмати хабар берди.
Маълум қилинишича, ёнғин-қутқарув экипажи воқеа жойига етиб бориб, ёнғин қисқа вақт ичида бартараф этилган.
Ҳодиса оқибатида хонадоннинг тахминан 10 кв метр майдонда ички қисми ёниб зарарланган. Хонадонда яшовчи 1950 йилда туғилган фуқаро ҳалок бўлган.
Оила аъзоларининг сўзларига кўра, 1950 йилда туғилган фуқаро инсульт касаллигига учрагани ва шу сабабли ҳаракатлана олмагани учун охирги йиллари ётоқ ҳолатида бўлган.
Бирламчи маълумотларга кўра, ҳалок бўлган фуқаро ётоқ жойида тамаки маҳсулотини чекиш натижасида ёнғин содир бўлган.
Ҳозирги вақтда ёнғин сабаби ва моддий зарар миқдорини аниқлаш бўйича суриштирув ишлари олиб борилмоқда.
Изоҳ (0)