Farg‘ona viloyati IIB Yo‘l harakati xavfsizligi boshqarmasi Oltiariq tumanida sodir bo‘lgan yo‘l-transport hodisasi yuzasidan ma’lumot berdi.
Qayd etilishicha, 12-may kuni soat 18:30 larda Oltiariq tumani “Zilxa” MFY hududidan o‘tgan 4R-112 “Farg‘ona halqasi” avtomobil yo‘lining 238 kilometrida YTH sodir bo‘lgan. 48 yoshli haydovchi I.M. JAC Sunray rusumli mikroavtobusni boshqarib ketayotib, o‘zidan oldinda harakatlanib, chapga qayrilish uchun to‘xtab turgan 50 yoshli M.A. boshqaruvidagi Howo Sinotruk rusumli yuk avtomobilini orqa tomoniga urilgan.
Natijada JAC Sunray rusumli mikroavtobus ichida bo‘lgan 19 yoshli yo‘lovchi M.N. tan jarohati bilan shifoxonaga murojaat qilgan.
Holat yuzasidan Oltiariq IIB tomonidan dastlabki tergov harakatlari olib borilmoqda.
Bundan oldin Toshkentda sodir bo‘lgan yo‘l-transport hodisasi oqibatida bir kishi vafot etgani, Surxondaryoda odam o‘limi bilan bog‘liq avariya sodir bo‘lgani, Toshkentda Tesla hamda Lacetti bir-biri bilan to‘qnashgani to‘g‘risida xabar berilgandi.
Izoh (0)