Toshkent shahrining Sergeli tumani Qumariq ko‘chasida 9-may kuni soat 17:00 larda 2000-yilda tug‘ilgan haydovchi A.X. Kia rusumli avtomashinasini boshqarib ketayotib, 1997-yilda tug‘ilgan piyoda D.K.ni urib yuborgan. Bu haqda Toshkent shahar IIBB YHXB axborot xizmati xabar berdi.
YTH sabab piyoda olgan tan jarohatlari oqibatida shifoxonaga olib borilganda vafot etgan.
Mazkur holat yuzasidan Toshkent shahar IIBB Tergov boshqarmasi tomonidan Jinoyat kodeksining 266-moddasi 2-qismi (transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilgan.
Tergov davom etmoqda.
