Toshkent shahar Mirzo Ulug‘bek tumanida Malibu urib yuborgan fuqaro halok bo‘ldi. Bu haqda Toshkent shahar IIB Yo‘l harakati xavfsizligi boshqarmasi xabar berdi.
Ma’lum qilinishicha, holat 11-may kuni soat 04:00 larda Mirzo Ulug‘bek tumani Feruza ko‘chasidagi bino qarshisida sodir bo‘lgan. 2004-yilda tug‘ilgan (erkak) S.A. Malibu 2 rusumli avtomobilini boshqarib ketayotib, piyoda 1979-yilda tug‘ilgan Yu.J.ni urib yuborgan.
YTH oqibatida piyoda olgan tan jarohatlari tufayli voqea joyida vafot etgan. Mazkur holat yuzasidan Toshkent shahar IIBB Tergov boshqarmasi tomonidan Jinoyat kodeksining 266-moddasi 2-qismi bilan jinoyat ishi qo‘zg‘atilgan. Tergov davom etmoqda.
Izoh (0)