Qashqadaryoda sevgan qizining yalang‘och rasmlarini kanallarda tarqatish bilan qo‘rqitgan shaxs qo‘lga olindi. Bu haqda IIV Kiberxavfsizlik markazi xabar berdi.
Qayd etilishicha, Samarqand shahrida yashovchi 27 yoshli (ayol) G.S. murojaat qilib, nomaʼlum shaxs uning yalang‘och holdagi video va foto tasvirlarini ijtimoiy tarmoqlarda tarqatib yubormaslik evaziga 2,8 million so‘m talab qilayotganini maʼlum qilgan.
Tezkor-qidiruv xizmati Kiberxavfsizlik bo‘linmalari xodimlari tomonidan o‘tkazilgan tezkor-qidiruv tadbirlari natijasida mazkur jinoyatni Qarshi shahrida yashovchi 35 yoshli N.J. sodir etgani aniqlangan.
Gumonlanuvchi sifatida tergov organlariga jalb etilgan N.J. aslida kirakashlik bilan shug‘ullanishi, shuningdek, jabrlanuvchi G.S.ni bir necha bor uyiga olib borib qo‘yib u bilan tanishib olgani ma’lum bo‘lgan. Ushbu shaxs G.S. bilan maʼlum vaqt ishqiy munosabatda bo‘lib kelgan va uning turli behayo fotosuratlarini qo‘lga kiritib, ijtimoiy tarmoqlarda tarqatib yubormaslik evaziga 2,8 million so‘mlik telefon qurilmasi yoki ushbu telefon qurilmasining pulini talab qilgan. N.J. mazkur pullarni olayotgan vaqtida Tezkor-qidiruv xizmati Kiberxavfsizlik bo‘linmalari tomonidan ashyoviy dalil bilan ushlanib, tegishli tartibda hujjatlar rasmiylashtirilgan.
Mazkur holat yuzasidan fuqaroga nisbatan Jinoyat kodeksining 165-moddasi (tovlamachilik) 2-qismi bilan jinoyat ishi qo‘zg‘atilgan.
- 2023-yil iyul oxirlarida Buxoro shahrida erkak bilan ishqiy munosabatda bo‘lib, uni turmush o‘rtog‘iga oshkor qilmaslik evaziga telefon talab qilgan qiz qo‘lga olingandi.
- May oyida Toshkentda ayolning foto-videolarini eri va qaynotasiga ko‘rsatishini aytib, undan pul talab qilgan erkak ushlangani,
- Toshkent viloyatida 19 yoshli qizning suratlarini tarqatish bilan tahdid qilgan yigit qo‘lga tushgani to‘g‘risida xabar berilgandi.
Izoh (0)