Qozog‘iston prezidenti Qosim-Jo‘mart To‘qayev Samarqandga keldi. Bu haqda O‘zbekiston bosh vaziri matbuot xizmati xabar berdi.
Oliy martabali mehmonni Samarqand xalqaro aeroportida O‘zbekiston bosh vaziri Abdulla Aripov va boshqa rasmiylar kutib oldi.
Maʼlumot uchun, O‘zbekiston prezidenti Shavkat Mirziyoyev raisligida Samarqand shahrida “Markaziy Osiyo - Yevropa ittifoqi” birinchi sammiti bo‘lib o‘tadi.
Kutib olish marosimidan so‘ng, Qozog‘iston prezidenti tashrif dasturiga muvofiq navbatdagi manzilga jo‘nab ketdi.
Bundan avval sammitda ishtirok etish uchun Qirg‘iziston, Tojikiston va Turkmaniston prezidentlari ham kelgan edi. Ularni ham aeroportda bosh vazir kutib oldi.
“Markaziy Osiyo—Yevropa ittifoqi” birinchi sammiti
Ushbu sammit Samarqand shahrida 3—4-aprel kunlari bo‘lib o‘tadi. Shavkat Mirziyoyev raisligida o‘tadigan sammit ishida Yevropa kengashi prezidenti Antoniu Koshta, Yevropa komissiyasi prezidenti Ursula fon der Lyayen, Qozog‘iston respublikasi prezidenti Qosim-Jo‘mart To‘qayev, Qirg‘iz Respublikasi prezidenti Sadir Japarov, Tojikiston prezidenti Emomali Rahmon va Turkmaniston prezidenti Serdar Berdimuhamedov ishtirok etadi.
“Markaziy Osiyo—Yevropa ittifoqi” birinchi sammitining ishbilarmonlik dasturi Shavkat Mirziyoyev va Yevropa tiklanish va taraqqiyot banki prezidenti Odil Reno-Basso bilan uchrashuvidan boshlandi. 3-aprel kuni sammitda ishtirok etadigan yana bir qator delegatsiyalar rahbarlari bilan qator ikki tomonlama muzokaralar o‘tkazilishi rejalashtirilgan. 4-aprel kuni Markaziy Osiyo davlatlari va Yevropa ittifoqining asosiy institutlari rahbarlari ishtirokida ko‘p tomonlama tadbirlar bo‘lib o‘tadi.
Izoh (0)