Respublikaning barcha hududlari bo‘yicha 5-noyabr, seshanba kunidan havo harorati asta-sekin pasayishi boshlanadi, deb xabar bermoqda “O‘zgidromet”.
Ma’lum qilinishicha, 4-noyabr kuni O‘zbekiston hududining katta qismida noyabr oyining boshi uchun deyarli iliq ob-havo saqlanib turadi. Havo harorati 20-25 daraja iliq atrofida bo‘ladi. Faqat respublika shimolida havo harorati 8-13 daraja iliqqacha pasayadi.
Qoraqalpog‘iston Respublikasi, Xorazm, Buxoro, Navoiy viloyatlarida va kunning ikkinchi yarmida Toshkent, Samarqand, Jizzax, Sirdaryo, Qashqadaryo viloyatlarida baʼzi joylarda yomg‘ir yog‘adi.
Havo harorati 5-noyabrda kunduzi 13-18 daraja iliq, 6-noyabrda 10-15 daraja iliq atrofida bo‘ladi, 7—8-noyabrda esa harorat 5-10 daraja iliqqacha pasayadi.
Kechalari sovuq bo‘ladi. Respublika hududining katta qismida 7—8-noyabr kunlari harorat kechalari 0-5 daraja iliqqacha, baʼzi joylarda 2 daraja sovuqqacha, Ustyurtda 3-4 daraja sovuqqacha pasayadi.
5—6-noyabr kunlari respublikaning barcha hududlari bo‘yicha yomg‘ir yog‘adi, baʼzi joylarda kuchli bo‘ladi.
7—8-noyabrda hududning katta qismida yomg‘ir kuzatilmaydi. 7-noyabr kuni Surxondaryo viloyati va Farg‘ona vodiysida, shuningdek, 7—8-noyabr kunlari Qoraqalpog‘iston Respublikasi va Xorazm viloyatining ayrim joylarida biroz yomg‘ir yog‘adi. Shimolda yomg‘ir va qor ko‘rinishidagi aralash yog‘ingarchilik bo‘lishi ehtimoli bor.
Tog‘larda vaqti-vaqti bilan yog‘ingarchilik (yomg‘ir, baʼzi joylarda qorga aylanadi) bo‘ladi, 5—6-noyabrda baʼzi joylarda kuchli bo‘ladi.
Respublika bo‘yicha baʼzi joylarda shamol tezligi 15-20 metr/sekundgacha kuchayishi mumkin. 7—8-noyabr kunlari ayrim joylarga tuman tushadi.
Ob-havo Toshkent shahrida:
Toshkentda 4-noyabrda kechga tomon yomg‘ir yog‘adi, 5—6-noyabrda vaqti-vaqti bilan yomg‘ir yog‘adi, 7—8-noyabrda yog‘ingarchilik kutilmaydi. Havo harorati 4-noyabrda kunduzi 23-25 daraja iliq, 5-noyabrda 15-17 daraja iliq, 6-noyabrda 10-12 daraja iliq, 7—8-noyabrda 7-10 daraja iliq bo‘ladi. 5—6-noyabrda kechalari 10-12 daraja iliq, 7-noyabrda 4-6 daraja iliq, 8-noyabrda 0-3 daraja iliq bo‘ladi.
Sizni qiziqtirishi mumkin:
O‘zbekistonning ayrim joylarida 6-noyabr kuni kuchli yomg‘ir yog‘adi
Izoh (0)