Madridning “Real” klubi futbolchisi Vinisius Junior Saudiy Arabistoni klublarining qiziqishlari doirasida bo‘lib turibdi. Jurnalist Ben Jeykobsning xabariga ko‘ra, ushbu mamlakatning klublaridan biri futbolchiga 350 million yevrolik taklif tayyorlanmoqda. Bu esa futbol tarixidagi eng yirik transfer bo‘lishi mumkin.
Hozircha futbol tarixidagi eng qimmat transfer 2017-yilda qayd etilgan bo‘lib, “PSJ” “Barselona”dan Neymarni 222 million yevroga sotib olgan edi. Saudiyaliklar esa bu rekordni yangilashni maqsad qilgan.
Vinisiusning “Real” bilan amaldagi shartnomasi yana ikki yilga mo‘ljallangan bo‘lsa-da, futbolchining kelajagi mavhumligicha qolmoqda. Manbalarga ko‘ra, braziliyalik futbolchi va klub o‘rtasidagi yangi shartnoma borasidagi muzokaralar boshi berk ko‘chaga kirib qolgan. Shu bois ko‘plab nashrlar futbolchi “qirollik klubi”ni tark etishi mumkinligi haqida yozmoqda.
Shuningdek, Vinisius va klub bosh murabbiyi Xabi Alonso o‘rtasidagi munosabatlar iliq emasligi aytilmoqda. Bundan tashqari, futbolchi jamoa rahbariyatidan maoshini sezilarli darajada oshirilishini talab qilmoqda.
Ushbu xabarlar fonida Saudiya Arabistoni klubi futbolchini o‘z safiga qo‘shib olish uchun harakat boshladi.
Izoh (0)